MIRROR成員陳瑞輝(Frankie,又稱皮皮)在ViuTV劇集《IT狗》飾演Lokman下屬「Never」,是一個木獨又經常放負嘅IT人,被稱為「氣氛小偷」。現實中被MIRROR成員封為金句王的他在劇中亦爆出不少金句,如「是但啦,我都冇say」、 「失敗乃成功之後母」、「人真係膚淺」等,首次拍劇令觀眾留下深刻印象。
同場加映:兄弟送驚喜爆男兒淚丨黃耀煌感激張國強點醒放棄轉行 靜待突破:我想成為家人嘅驕傲
Frankie一直被指是「MIRROR隱形人」,今次憑著「Never」一角備受關注,他在接受美國華語電視節目《偶像名人堂》訪問時,亦坦言做戲係繼跳舞後最想做嘅事之一;眼見MIRROR其他成員相繼出solo歌曲,他亦表示自己唱歌仲要多啲時間進步,暫時不急著出自己的個人單曲。
33歲的Frankie本身是一名dancer,在2018年參加《全民造星》入行。Frankie指自己由細到大都好鍾意跳舞:「冇諗過返office,我出嚟做嘢就係dancer。以前我個性比較怕醜,唔係好用語言、喺大庭廣眾下去表現自己,除咗跳舞之外。跳舞畀我嘅感覺係可以同所有人接觸,好完整抒發我嘅所有情緒同感覺,變成我身體嘅language。」
Frankie指當時其實係陪朋友肥仔(梁業)同Tank(梁德忠)參賽,但最後竟去到30強。提到賽後經理人花姐邀請他入MIRROR做跳舞擔當,他指:「當初我唔知邊個喺(MIRROR)入面,預算一兩個,又唔知擺幾多資源乜都唔知。我哋《全民造星》每個人都對花姐有情意結,覺得佢講嘢為我哋好。就算我嗰陣係有少少自己嘅計劃想做,想轉行,但都會真係好認真咁聽咗花姐講嘢先。」
提到Frankie一直被形容為MIRROR顏值擔當之一,Frankie謙稱:「我真係唔覺自己係好誇張地非常靚仔,呢個真㗎!我嘅世界係睇男人有冇魅力,好難用個樣去概括。」
MIRROR成軍3年多,人氣不斷上升,網民難免有所比較,更將12位鏡仔以大熱動漫《鬼滅之刃》的人物區分。《鬼滅之刃》中,反派「十二鬼月」由六位「上弦」成員及六位「下弦」成員組成,上弦成員無論在實力及戰鬥力都比下弦優秀;網民將曾推出單曲的姜濤、盧瀚霆(Anson Lo)、呂爵安(Edan)、陳卓賢(Ian)、柳應廷(Jer)及江𤒹生(Anson Kong)列為上弦六子,楊樂文(Lokman)、Frankie、邱士縉(Stanley)、邱傲然(Tiger)、王智德(Alton)及李駿傑(Jeremy)則屬下弦成員。
IT狗丨Lokman顛覆IT界毒男形象照鬥廢 笑對與Frankie Stanley被列「下弦」【下一頁】
對於自己嘅步伐比其他MIRROR成員慢少少,Frankie表示自己都有反思,「MIRROR每個人都有唔同嘅發展,有啲行得比較快,有啲比較慢少少,因為我嘅性格問題,我都要去爭取多啲嘢嘅時候,我又可能力度又唔夠大,久而久之會有少少唔開心,就係我努力咗可能公司未睇到,其實嗰陣都出道咗年幾兩年,自己嘅步伐比其他MIRROR成員慢少少,自己都有反思。」出歌亦是Frankie目標之一,不過他亦認為未係時候,唱歌仲要多啲時間進步,著粉絲要等一等。「因為對自己嘅standard(標準)好高,所以冇乜信心,仲克服緊。」
主持問Frankie搵到自己嘅定位未?Frankie指拍完《IT狗》後,經理人花姐的意見為他打下一支強心針,「花姐話『你做得幾好㗎!』好彩啫!,我覺得做戲係繼跳舞後擺自己多啲唔同嘅嘢,做戲都舒服,同埋可以發展落去。《IT狗》我戲份唔多,但有個好強功能性、個名叫『Never』、不停放負嘅角色,但自己個角色明白晒所有嘅嘢,明白但放負,係講出真相,唔想你哋傷心,想直接講出問題所在。」
問到家庭及感情生活方面,Frankie亦大方分享,指拍拖10多年、同為dancer的女友一直都好支持自己。Frankie指:「我家姐好生性,養得起頭家,唔使我去幫手,壓力細好多。女朋友係個dancer,佢都明白做dancer同做artist會點揀,佢都想影響力大啲,而且生活應該會好啲。有時忙完一排之後,收到好多好窩心嘅屋企message,睇完就算唔覆都好滿足好有力量,feel到屋企人嘅愛。」
Frankie亦分享與女友相處之道,大爆與女友成功維繫感情原因:「我同我女朋友拍拖初期,我係嗌交嗌到不得了嗰啲人嚟㗎,我係會想所有嘢都挖晒出嚟講,其實有啲唔得㗎,有啲情侶接受唔到呢套,但我哋ok嘅,乜都挖晒出嚟,咁之後嘅就係生活。有時大時大節,因為做騷約唔到出嚟都冇乜嘢,周年紀念就算唔慶祝唔食飯都ok,因為大家都擺咗大家喺生活入面;有啲乜嘢關懷,譬如放工之後見到啲嘢佢好鍾意食都會買,唔理咩日子,好多生活點滴累積,咁就穩固好多。」
不過Frankie指自己有時都會唔爭氣對屋企人發脾氣,但佢哋都好體諒自己嘅工作:「但發完後第二日會死死氣講唔好意思,大家都好明白。最唔開心係夜晚返到嚟有時會嘈醒屋企人,好彩佢哋好愛我、體諒埋呢樣,女朋友都係。其實最近呢一兩個月都冇乜點見過一兩次面,但大家都知大家做緊乜,大家都為大家奮鬥最重要。」
《IT狗》|陳湛文凌文龍爆笑重演經典場面 「由衷想向《英雄本色》致敬」【下一頁】